事件一: 當你暗戀的女性朋友約會你朋友而唔係你時....

理: 喂, 咪仲係死老豆咁嘅衰樣啦。

感: 我那兒是呢….

理: 你睇吓你個衰樣, 黑過墨斗咁, 係人都知你唔妥啦。

感: ……

理: 唉, 阿仔, 算吧啦, 都唔係你可以控制嘅嘢, 係度自己谷自己又何苦呢?

感: 我也知道…

理: 你係知先好。

感: 你知不就是等於我知的嗎…

理: 唔同喎, 你我雖然係同一個老細, 不過, 你通常對我D嘢都係左耳入右耳出架喇

感: 這, 這是你跟我存在最大的分別嘛

理: 我唔理吖, 總之你就咪鬼咁嘅衰樣, 影響哂老細。

感: ....................

理: 唉, 阿細佬, 你老友有得去消遣耍樂, 你應該替佢高興先係吖嘛, 唔通你想你D朋友同你一樣成鬼日無無聊聊咩?

感: 當然不是.................................

理: 咪就係囉, 另外, 人家女仔約邊個去街, 搵邊個陪, 關鬼你事咩, 你老幾呀大少? 你邊位呀? 憑咩去干涉人呀? 人家鍾意點就點架啦, 使鬼同你交代, 唔通搵你呢個悶蛋咩, 又長氣又小氣。人家去玩, “干卿何事” 識唔識呀阿文人, 關你鬼事呀!

感: 沒有啊, 我也知道我沒權亦不會干涉人家.............................

理: 你知就好啦。

感: 只不過總是覺很不忿, 很委屈, 自己成了傻瓜似的, 那股氣充塞在胸腹間, 怪難受的.................................................

理: 好聽D叫死傻仔, 通俗D叫大白痴。

感: 兄台, 留點餘地, 他朝好相見喔...........................................................

理: 阿哥仔, 呢家嘢呢, 你就不嬲都慣架喇, 人地唔約你, 就更加係你問題啦, 好心你就咪鬼亂鑽牛角尖, 留番啖氣養吓命好過啦你, 阿孱仔感。

感: 我................................................................................

理:   至於傻仔呢家嘢呢, 見人見智啦, 最多下次咪做囉, 又唔係有人搵嘢指住你要你做嘅, 你自願架嘛, 俗稱叫你攞黎嘅。

感: 我一定不會再做, 你也說得對….............................

理: 對乜鬼, 睇你個款, 我講完好似冇講咁, 算吧啦你, 去搵你D friend 吹吓水啦, 等佢地狠狠地插你幾嘢, 好過我浪費咁多口水, 雖然你自己都心知你d friend同我講嘅九成一樣架啦.......